व्यक्ति ,परिवार , समाज र राष्ट्र कै उन्नति र प्रगतिमा शिक्षाले महत्वपूर्ण भूमिका खेलेको हुन्छ।समाजमा रहेका बालबालिकाहरुलाई शिक्षित बनाई परिवार ,समाज र राष्ट्रको विकास गर्न नेपाल सरकारले सामुदयिक विद्यालयहरुको स्थापना गरि राज्य कोषबाट लगानी गर्दै आएको छ।सरकारको यही नीति अनुसार वि.सं-२०११ सालमा नै विकट ,दुर्गम हिमाली जिल्ला मुस्ताङको सदरमुकाम जोमसोममा स्थानीय व्यक्तिहरुको पहलमा श्री जनहित माध्यमिक विद्यालयको स्थापना भएको थियो। वि.सं-२०११ सालमा प्राथमिक तह , २०१८ सालमा नि.मा.वि तह ,२०२५ सालमा माध्यमिक तह, २०६१ सालमा  माध्यमिक तह (११ र १२) २०६६ सालमा माध्यमिक तह खुला विद्यालय, २०७६ सालमा प्राविधिक धार ९-१२ सिभिलइन्‍जिनियरिङका कक्षाहरु शुरुवात गरेको यस विद्यालयले विद्यालय कै पहलमा २०७० सालमा जनहित बहुमुखी क्याम्पसको स्थापन गरेको थियो। राष्ट्रको  शैक्षिक क्षेत्रमा पुर्याएको योगदानको मूल्याङ्कन गर्दै बिद्यालयले ३ पल्ट साविक SLC मा  उत्कृष्ठ  नतिजा ल्याए राष्ट्रिय रुपमा नगद सहित पुरस्कृत भएको यस विद्यालय २०६९ सालमा लगातार ३ वर्ष ८०% भन्दा बढी विद्यार्थी SLCमा उत्तीर्ण गराएर क्षेत्रीय रुपमा पुरस्कृत भयो भने २०७५ सालमा स्थानीय सरकारले स्थानीत तहको सर्वोत्कृष्ट विद्यालयको रुपमा रु एकलाख नगद सहित पुरस्कृत गरेको थियो।  शैक्षिक क्षेत्रमा पुर्याएको योगदानको मूल्याङ्कन गर्दै २०७६ सालमा नमूना विद्यालयको सूचीमा सूचीकृत यस विद्यालय देशकै नमूना विद्यालयको रुपमा विकास हुने लक्ष्यका साथ अगाडि बढीरहेको छ।